四份卷，一套系統
改文係我最出名嗰樣，但唔止改文。四份卷我都教，四份卷都有自己嘅練法。
每份卷點樣練
四份卷我都起咗 marking agent。有啲已經喺個 app 入面，有啲仲喺堂上同 mock 度用 —— 下面寫得清清楚楚，邊樣係邊樣。
Reading
我淨係教 B2。B1 唔會教 —— 你要攞 5 以上，B2 係唯一條路。
- By topic 操卷，逐題拆點解係呢個答案
- 搵答案嘅 pattern，唔使逐個字慢慢捱
- 生字量係 reading 嘅底 —— 見下面「雪櫃」嗰段
個 App 度批改已經自動化，功課好快返到你手
Writing
呢個係我做得最深嗰份。每星期一篇，24 小時內一份完整 Report。
- 逐句紅筆批改，連廣東話解釋
- 每篇文有一套只屬於你嘅練習
- 錯過嘅字自動入錯題簿，下星期 quiz 考返
個 App 度完整喺 app 入面，你而家就試得
Listening + Data File
Part A 靠練，冇捷徑。Part B data file 就真係有套路，呢啲我可以教到你。
- 每星期一份 listening 練習，TED Talk 同 DSE 卷輪住嚟
- Part B：搵 point 嘅 pattern、分 tone、TC 點樣先唔漏 point
- 改完會話你邊個 task 錯、漏咗邊個 point、嗰個 point 本身喺邊度出現
- LCOA 逐項話你扣分原因
個 App 度Marking agent 已經做好，暫時喺堂上用，未入 app
Speaking
Mock 嗰陣一個 cam 影住四個人做 group discussion，錄晒音。
- Agent 出份報告：有 transcript、有你嘅言行舉止、有分數
- 有片，你可以自己睇返自己講嘢個樣
- 知道自己邊度失分，好過人哋同你講「你要自然啲」
個 App 度Marking agent 已經做好，暫時喺 mock 度用，未入 app
寫作：四步，每星期行一次
每一步都要你自己動手。篇文一定要你自己寫。
- 01
你寫
一星期一篇。限時，當係考緊 DSE 咁寫。寫得差都要交 —— 查完字典寫出嚟嗰篇，我睇唔到你真實水平。
- 02
我改
逐句拆你錯喺邊、點解錯、下次點避。24 小時內出 Report。
- 03
你謄
你要照住 Report 改一次，親手謄。呢步最多人想 skip，亦都係最有用嗰步。
- 04
再寫
下星期新題目。你錯過嘅字喺 quiz 度返嚟搵你。錯多次同一樣嘢，我會知。
你個腦係個雪櫃
好多人背 vocab 背背下就唔想背，因為覺得背完都用唔到。
我通常會咁答佢。
你當你個腦係個雪櫃。雪櫃空嘅，你煮到餸咩？
所以每個星期背 vocab，其實就好似去街市買餸。乜都買，買廿樣，擺入雪櫃。
第一個星期買完，你係唔知整咩餸嘅。正常，得廿樣嘢咋嘛。
但你背足一個月。四十、六十、八十。
第一個星期買咗油。第二個星期買咗蛋。第三個星期唔記得買咗乜。
第四個星期你發現：油加蛋，攞個鑊炒吓，係炒蛋喎。
作文都係咁。你唔會今日背完，聽日就用到。你係要儲夠，然後有一日兩三個字撞埋一齊，變成一句你以前寫唔出嘅嘢。
所以背 vocab 唔係即時見效嘅。係買餸嚟嘅。
自己出卷，自己出 marking scheme
自己一個人揼份 marking scheme 出嚟，再揼份模擬卷，你會睇到好多平時睇唔到嘅嘢。考完即刻有 Report，唔使等。
關於導師
呢部分我幫你唔到
我可以講到好聽，但最尾坐低做嘢嗰個係你。一個人肯唔肯捱，係佢自己嘅事，我吹水吹極都吹唔郁。
你睇住成頁英文，一隻字都唔明，個頭好痛，會驚 —— 我明。我唔係扮明，我真係試過。
但驚都要面對，因為你始終都要考。有 problem 就去 solve 佢，所有 problem 都有 solution。真係 solve 唔到嗰啲，就唔係 problem 嚟，係你要接受嘅 reality。
我 2027 年一齊考。做唔做，你自己揀。
常見問題
我而家 Level 2，係咪太遲？
唔遲。但你要肯做。我教嘅就係由 Level 2–3 上到 4–5 嘅同學。
四份卷都教？定係淨係改文？
四份卷都教。改文係我做得最深、亦都係喺 app 入面最完整嗰份，所以你喺呢個網站見到最多。Reading、Listening、Speaking 一樣有堂、有練習、有 marking agent，只係有啲仲未入咗個 app。
你係咪用 AI 改文？
我用。但講清楚：AI 幫我改，唔係幫你寫 —— 我班學生一律唔准用 AI 作文。每篇文我自己由頭讀到尾，分數同點評都係我落嘅。我用工具，係因為淨靠人手，總會有幾個字漏咗；有咗佢，你錯過嘅每一個字都會入返你本錯題簿，下星期喺 quiz 度再問你一次。
由 F5 一路做到 F6，會唔會太長？
唔會。習慣係喺 F5 建立嘅，F6 嗰年你只有時間執行你已經有嘅習慣。
可唔可以試堂？
唔可以。但你可以免費交一篇文，睇完份 Report 先決定。
唔想做功課得唔得？
唔得。唔好嚟。
想知自己而家實際係咩水平？
交一篇文，免費改一篇。你唔使報班，睇完份 Report 先算。